АНУ-ын Ерөнхийлөгч Жо Байдены Коммандер хэмээх дуудлагатай /командлагч гэсэн утгатай/ нохой АНУ-ын нууц албаны ажилтнуудыг багадаа 24 удаа хазсан байна.
Немц овчарк буюу Германы хоньч үүлдрийн нохой ерөнхийлөгчийн бие хамгаалагчид болон бусад алба хаагчдыг хазсан байна.
Тодруулбал 2022-2023 оны хооронд 24 удаагийн хазуулсан тохиолдол бүртгэгдсэн ба тэрбээр хүмүүсийн бугуй, шуу, тохой, нуруу, цээж, гуя, мөр зэргээс хазжээ.
Өнгөрсөн оны 10-р сард ерөнхийлөгчийн нохойд хазуулсан хүн эмнэлгийн тусламж авах шаардлагатай болсноос хойш долоо хоногийн дараа түүнийг Цагаан ордноос явуулахад хүрсэн байна. Учир нь тэрбээр гарын шууг нь гүн хазсан тул оёдол тавих шаардлагатай болсон байв. Тухайн үед Цагаан ордны шалан дээр их хэмжээний цус болсны улмаас барилгын зүүн жигүүрээр ажилтнуудын зорчих хөдөлгөөнийг 20 минутын турш түр зогсоож байсан хэмээн баримт бичигт дурджээ.
