Хятадын баруун хойд хэсэгт болсон газар хөдлөлтийн улмаас одоогоор 111 хүн нас барж, 200 гаруй хүн гэмтэж бэртсэн талаар төрийн хэвлэлээрээ мэдээлсэн. Тодруулбал Ганьсу мужид өчигдөр орой болсон газар хөдлөлтийн улмаас их хэмжээний хохирол учирчээ. Гамшгийн бүс рүү орон нутгийн онцгой байдлын удирдлага, гал түймрийн албаны ажилчид, аврах багийнхныг илгээсэн гэсэн юм. Мөн Хятадын эрх баригчид зүгээс мэдээлэхдээ 6.2 магнитудын чичирхийлэлтэй газар хөдөлсөн бөгөөд Линься хотоос баруун хойд зүгт 23 милийн зайд 6 миль гаруй гүехэн гүнд болсон гэв. Тус мужийн төв Ланжоу хот газар хөдлөлтийн голомтоос 60 милийн зайд оршдог.
Эх сурвалж: BBC
