ХЯТАД БҮХ ХУЛСНЫ БААВГАЙГАА АНУ-ААС ЭРГҮҮЛЭН АВНА

Ч.Зориг
2023/09/29

Хятадын талаас Америкийн амьтны хүрээлэнд байгаа бүх хулсны баавгайг өөрийн улс руу эргүүлэн авахаар болсон байна. Ийнхүү хоёр гүрний хооронд үүссэн хурцадмал байдлаас болж АНУ ирэх жил нэг ч хулсны баавгайгүй үлдэх эрсдэлтэй боллоо гэж ВВС мэдээллээ.

Дэлхийд нэн ховордсон хулсны баавгай нь зөвхөн Хятадад л байдаг. Ойролцоогоор 1600 хулсны баавгай  Сичуань, Ганьсу, болон Шаанси мужийн дархан цаазтай газруудад амьдардаг. Хятад улс хулсны баавгайг "үржүүлэх болон биологийн судалгаа хийх" зорилгоор л гадаадад түр хугацаагаар "түрээслүүлдэг". Тэгвэл Хятадын талаас Америкийн амьтны хүрээлэнтэй гэрээгээ сунгахаас татгалзсан байна. 

Ингэснээр Вашингтоны амьтны хүрээлэн дэх Мэй Шян, Тянь Тянь болон тэдний бамбарууш Шиао Ци Жи нарт баяртай гэж хэлэхээр болж байгаа аюм. Амьтны хүрээлэнгийн зүгээс хулсны баавгай нарыг үдэх ёслолын арга хэмжээ зохион байгуулж байгаа бөгөөд энэ арга хэмжээ ес хоногийн турш үргэлжлэх юм. Энэ өхөөрдөм пандагийн шүтэн бишрэгчид өнгөрсөн амралтын өдрүүдэд Вашингтоны амьтны хүрээлэнд зочилж, үдэх ёслолыг мөн хийсэн байна. Дээрх гурван пандаг  ирэх 12 дугаар сард Америкаас Хятад хүргэх юм.

Түүнчлэн Атланта, Сан Диегогийн амьтны хүрээлэнд байгаа ч пандануудын буцах тасалбарыг хэдийнээ авсан гэж эх сурвалж мэдээллээ.

Манай урд хөрш Хүйтэн дайны он жилүүдэд буюу 1957-1983 оны хооронд ЗХУ, АНУ, Их Британи болон Хойд Солонгос тэргүүтэй есөн улстай нөхөрсөг харилцаа бий болгох зорилгоор 24 панда илгээж байв. 

Тухайлбал, 1972 онд БНХАУ-ын удирдагч асан Мао Зедун тус улсад төрийн айлчлал хийсэн АНУ-ын анхны Ерөнхийлөгч болох Ричард Никсонд хоёр орны нөхөрсөг харилцааны бэлгэ тэмдэг болгон эр эм хос панда бэлэглэсэн түүхтэй. Үүний хариуд Ричард Никсон Хятадын ард түмэнд хоёр безон үхэр бэлэглэж байв. Судлаачид АНУ-ын хоёр ч Ерөнхийлөгч гурван жилийн зайтай БНХАУ-д айлчилж, харилцан хүндэтгэл бүхий бэлэг солилцсон тухайн цаг үеийг Вашингтон болон Бээжингийн харилцааны оргил үе гэж тодорхойлдог.

Тэгвэл Америк дахь бүх пандаг Хятад руу эргүүлэн авахаар болсны улс төрийн зорилго байгааг хоёр тал үгүйсгэж буй ч экспертүүд үүнд итгэхгүй байгаа юм. 

"Бүх панда ирэх энэ оны эцэс гэхэд АНУ-аас Хятад руу явах нь тодорхой зорилготой. Хятадууд төлөвлөгөөнийхөө дагуу ажиллаж байна. Тэд юу хийж байгаагаа мэддэг" гэж Хятадын "панда дипломат ажиллагаа" номын зохиолч, Калифорни дахь Сент Мэригийн коллежийн профессор Елена Сонгстерийн хэлжээ.

Харин Цагаан ордны эх сурвалжийн мэдээлснээр, хулсны баавгайн асуудлаар ойрын хугацаанд Хятадуудтай хэлэлцээ хийнэ гэв. Энэ оны арваннэгдүгээр сарын дундуур Сан Францискод болох АПЕК-ийн дээд хэмжээний уулзалт болно. Хэрэв БНХАУ-ын дарга Ши Жиньпин тус дээд хэмжээний уулзалтад биечлэн оролцвол Америкийн төрийн тэргүүн Жо Байден түүнтэй хийх уулзалтын үеэр хулсны баавгайн асуудлуудыг хөндөж магадгүй хэмээн Блүүмбэрг мэдээллээ.



0
angry
0
care
0
haha
0
liked
0
love
0
sad
0
wow

Шинэ мэдээ
Б.ХУЯГБААТАР СОНГИНОХАЙРХАН ДҮҮРГИЙН ЗАСАГ ДАРГА БОЛОХООР ЯРИГДАЖ БАЙН… 2024/07/03
ДОЛДУГААР САРЫН 9-НД “ДЭЭЛТЭЙ МОНГОЛ НААДАМ” БОЛНО 2024/06/26
НИЙСЛЭЛИЙН ХЭМЖЭЭНД СҮҮЛИЙН 10 ЖИЛД ҮЕРИЙН ТОО БУУРАХГҮЙ, ОГЦОМ ӨСӨЛТ … 2024/06/26
САНАМСАР БОЛГООМЖГҮЙГЭЭР ОЙ ХЭЭРИЙН ТҮЙМЭР ТАВЬСАН ИРГЭНИЙ ХЭРГИЙГ ШҮҮ… 10 цагийн өмнө
ЭНЭ НААДМААР ХУРДАН ХАРИУ НЬ ГАРДАГ ДОПИНГИЙН ШИНЖИЛГЭЭ АВНА 10 цагийн өмнө
НЭГ САР ХҮРЭЭГҮЙ НЯЛХ ХҮҮХДЭЭ АСРАГЧДАА ҮЛДЭЭГЭЭД ЯВСАН ЭМЭГТЭЙГ ОЛЖ Т… 10 цагийн өмнө
2020 ОНЫ СОНГУУЛИАР 2500 ГАРУЙ ГЭМТ ХЭРЭГ, ЗӨРЧЛИЙН МЭДЭЭЛЭЛ ИРЖ БАЙЖЭ… 10 цагийн өмнө
ӨНГӨРСӨН ДОЛОО ХОНОГТ ГАМШИГТ ҮЗЭГДЛИЙН УЛМААС 12 ХҮН НАС БАРЖЭЭ 10 цагийн өмнө
НИЙСЛЭЛИЙН ХЭМЖЭЭНД ГАМШГААС ХАМГААЛАХ ӨНДӨРЖҮҮЛСЭН БЭЛЭН БАЙДЛЫН ЗЭРЭ… 10 цагийн өмнө
ШИНЭЭР ДОЛООН ЧИГЛЭЛД, ГЭР ХОРООЛОЛ ДУНДУУР НИЙТИЙН ТЭЭВЭР ЯВНА 10 цагийн өмнө
МОНГОЛ УЛСЫН ЕРӨНХИЙЛӨГЧ У.ХҮРЭЛСҮХ БҮГД НАЙРАМДАХ УЗБЕКИСТАН УЛСАД ТӨ… Өчигдөр
СЕХ: ГАДААД УЛС ДАХЬ ИРГЭДИЙН ИРЦ 50.9 ХУВЬТАЙ БАЙНА Өчигдөр
СЭЛБЭ, ДУНД ГОЛ ДАГУУ 1,400 ШОО МЕТР ЛАГ ХАГШСААСЫГ ЦЭВЭРЛЭН ГАГРАЛАА 2024/06/22
БЗД-Т ЗАМ ТЭЭВРИЙН НОЦТОЙ ОСОЛ ГАРЧ ЖОЛООЧ, ЗОРЧИГЧ ХОЁР АМИА АЛДЖЭЭ 2024/06/21
ГАДААД УЛСАД БАЙГАА 13,095 ИРГЭН СОНГУУЛЬД ОРОЛЦОХООР БҮРТГҮҮЛЖЭЭ 2024/06/17
БУТАНЫ ХААНТ УЛСААС МОНГОЛД СУУХ ЭЛЧИН САЙД ИТГЭЖМЛЭХ ЖУУХ БИЧГЭЭ ӨРГӨ… 2024/06/17
М.БАДАРЧИД УНАСАН БӨХЧҮҮДЭД ЦОЛ, ЧИМЭГ НӨХӨН ОЛГОЛОО 2024/06/17
ЭНЭ ОНЫ ЭХНИЙ ТАВАН САРД АЮУЛТ ҮЗЭГДЭЛ, ОСЛЫН 2,351 ТОХИОЛДОЛ БҮРТГЭГД… 2024/06/17
16 НАСТАЙ ОХИНЫ АМИА ЕГҮҮТГЭСЭН ХЭРГИЙГ ГЭМТ ХЭРЭГТЭЙ ТЭМЦЭХ ХЭЛТЭСТ Ш… 2024/06/14
ШИНЭ ЦЭНГЭЛДЭХ ХҮРЭЭЛЭНГ НЭЭГДЭЖ ХААГДДАГ ДЭЭВЭРТЭЙ, 30000 ХҮНИЙ СУУДА… 2024/06/14