Гадны сайтад ЗГХЭГ-ын дарга Д.Амарбаясгалангийн талаар нийтлэл гарчээ. Э.Оюун-Эрдэнийн Засгийн газар нүүрсний хулгайтай тэмцэж байгаа. Гэтэл ЗГХЭГ-ынх нь дарга "нүүрсний хулгайч" хэмээн холбогдох баримт мэдээллүүдийг дурдан, дүгнэж бичжээ.
Бүр манай улсыг “баялгийн хараал”-ын тод жишээ. Нүүрсний хэрэгт нэр нь дурдагдаагүй өнгөрсөн Д.Амарбаясгалан, Ц.Чулуунзагд нарын хээл хахууль, луйвар, ашиг хонжоо хайсан нүүрсний хулгайн бас нэгэн нарийн хэрэг байгаа гэхчлэн онцолжээ.
Түүнчлэн, Ц.Чулуунзагд одоо АТГ-т шалгагдаж байгаа бөгөөд түүнд эрүүгийн хэрэг үүсгэн шалгаж байна. Гэтэл Д.Амарбаясгалан эрх мэдлээ ашиглан мөрдөн байцаалтад саад учруулсан хэмээжээ. Үүгээр зогсохгүй, Д.Амарбаясгаланд ЖДҮ-ийн сангаас зээл авсан асуудлаар ямарч хариуцлага хүлээлгээгүй. Энэ удаад ч ингээд өнгөрүүлэх үү гэдэг утга агуулгатай нийтлэл тавигджээ.
Сонирхуулахад, тухайн нийтлэлд “Тус улсын Тавантолгойн нүүрсний орд нь 7.3 тэрбум тонн нөөцтэй, дэлхийн томоохон ордуудын нэг юм. Гэтэл энэ үндэсний баялгаа ашиглаад ердөө аравхан жилийн дотор 11.6 тэрбум ам.долларын орлого олсон ч хэдийнэ хулгайд алдсан. Үүнийгээ “Монголын нүүрсний хулгай” гэж нэрлэсэн. Эрдэс баялгийн экспортод төрийн оролцоо нь ашиг сонирхлын зөрчил, нэр төр, авлига хээл хахуулийн үндэс суурийг бүрдүүлдэг” гэхчлэн цааш хөвөрнө.
Дэлгэрэнгүйг эргэн мэдээлнэ.
Эх сурвалж: https://finance.yahoo.com/news...
