Австрали улсын Хигор Фиуза гэх нэгэн эрэгтэй өөрийн тэжээдэг могойтойгой хамт гулгаж байгаад торгуулжээ. Тодруулбал, тэрбээр усан дээр гулгалт хийхдээ өөрийн тэжээдэг могойгоо авч, хамт гулгасан байна. Могойн нэрийг Шива гэх бөгөөд тэрээр хамт гулгаж байгаа бичлэгээ олон нийтийн сүлжээнд байршуулжээ.
Тус бичлэг цахим сүлжээнд тавигдсан даруйдаа олны анхааралд өртөж тэд алдартай болсон байна.
Ийнхүү Австралийн орон нутгийн хэвлэл мэдээллийн хэрэгслээр гулгаж буй могойн бичлэг цацагдсаны дараа Зэрлэг амьтдын эрхийг хамгаалах газраас түүнд торгууль ногдуулжээ.
Австралийн Зэрлэг амьтдын эрх хамгаалагчид Хигор Фиузаг Шива могойд аюул учруулж, олны өмнө гаргасан гэх шалтгаанаар торгосон нь энэ. Ингэхдээ бүр 2,322 ам долларын торгууль ногдуулсан байдаг.
Могойн эзэн хэлэхдээ “Шива усанд дуртай төдийгүй бид хамтдаа 10 удаа гулгаж байсан. Би түүнийг үргэлж далайн эрэг рүү аваачдаг. Тэр усанд сэлэх дуртай болохоор нэг л өдөр би түүнийг гулгалтын газар аваачихаар шийдсэн” гэжээ.
Харин зэрлэг амьтан судлаачид "Могой бол хүйтэн цуст амьтан бөгөөд усанд төдийлөн дуртай биш. Гэхдээ тэд сэлж чаддаг. Амьтан учир олон нийтийн газар аваачих нь өвчин тараах магадлалтай" хэмээв.
Эх сурвалж: BBC
Орчуулсан Э.Энхчимэг
