Флорида мужийн эрх баригчид 14 настай хүүг хүний амь нас хөнөөсөн, буудан гэмтээсэн, буудахыг оролдсон хэргээр баривчилжээ. Тодруулбал Флорида мужийн Ривервью хотын Линмур Драйваас 11000 бээрт буудалцаан болж байгаа тухай мэдээ өнгөрөгч бямба гарагийн үдээс хойш цагдаагийн албанд ирсэн байна. Хэргийн газарт яаралтай ирэхэд сэжигтэн удаа дараа буугаа толгой руу гаа зааж өөрийгөө буудна гэж сүрдүүлсэн байна.Үүний улмаас цагдаа нар сэжигтэнтэй 16 минутын турш хэлэлцээр хийж зэвсгээ доош буулгахыг ятгаж чадсан ч хүү зэвсгийг дахин авахыг оролдсон тул резинэн сумаар буудсан байна.
Сэжигтэнтэй холбоотой эмэгтэйг хэргийн газарт нас барьсан байдалтайгаар цагдаагийн албан хаагчид олсон байна. Энэхүү таслан зогсоох ажиллагааны үеэр яаралтай тусламжийн утсанд хэд хэдэн удаа буудуулж шархадсан хүний мэдээлэл ирсэн бөгөөд түүнээс гадна буудуулахаас зугтаж хөршийнхөө гэр рүү зугтан орсон өсвөр насны хүүхдийн мэдээлэл ирсэн байна. Эх сурвалжийн мэдээлж байгаагаар 14 настай хүү төрсөн ээжийнхээ амь насыг хөнөөж, өөрийн найзыг таван удаа буудаж, төрсөн дүүгээ буудахыг оролдсон гэжээ. Одоогоор гэмт хэргийг үргэлжлүүлэн шалгаж байгаа гэж цагдаагийн албанаас мэдээлсэн байна.
