АН-ын ҮБХ-ны хурал өнөөдөр товлогдоод байгаа. Тэгвэл өнөөдрийн хуралдаанд УИХ-ын гишүүн Д.Ганбат оролцохоор үүдэнд ирж байр сууриа илэрхийллээ.
Тэрбээр, "Гишүүдийн эрх ашиг, ард түмний үзэл бодлыг хүндэлж шийдвэр гаргах хэрэгтэй. Хууль дүрмийнхээ дагуу ҮБХ-ны даргын хувьд зохих арга хэмжээг авч ажиллана. Өчигдөрхөн шүлс нь үсчээд хатаагүй байгаа хүмүүс байна. МАН-ын ерөнхий нарын бичгийн дарга Д.Амарбаясгалан ардын намын дарга Лувсан хэн билээ Л.Оюун-эрдэнэ билүү.
Тэр хүний ивээл дор хуралдах гэж байгаа юм уу яах гэж байгаа юм. Энэ хүмүүсийн эрх ашигт нийцүүлэн явуулж болохгүй гэдгийг хэлмээр байна. Мөн хууль номынхоо дагуу ҮБХ нь бүрдээд хүчин төгөлдөр энэ хороогоо бүрэн болгож авах ёстой. Иргэдэд хүлээн зөвшөөрөгдөх ёстой болохоос биш цаасан дээр бичсэн нэр тийм ч чухал биш. Бид МАХН, ХҮН намын хэмжээнд очиж болохгүй. МАН-ын оролцдоггүй юм гэж алга. Баахан хууль баталчхаад, ард түмний өмнө хэлэх үггүй болчихсон. Тэгээд өрсөлдөхүйц намаа дотроос турхирч байна. Энэ нь өөрөө зөв зүйл үү" гэлээ.