Ойрын өдрүүдэд интернетээр нисэх онгоцны буудлыг онилсон "терроризмын мэдэгдэл" ар араасаа хөвөрч, онцгой байдлыг зарлаад байна.
Нисэх буудал нь эргүүлийн хамгаалалтаа чангатгасан бөгөөд цагдаа нар сонор сэрэмжийг нэмэгдүүлэхийн тулд тусгай салаа болон хуягт машинуудыг байрлуулжээ.
Мөн Чежү олон улсын нисэх онгоцны буудлын дотор винтов, тэсрэх бодис илрүүлэгч нохойгоор зэвсэглэсэн тусгай албаныхан харуулын үүрэг гүйцэтгэж байна.
8-р сарын 6-ны 9 цагт цагдаа нар интернетэд тавигдсан Чежү нисэх онгоцны буудалд дэлбэрэлт үйлдэх тухай мэдэгдлийг нарийвчлан шалгаж нийтэлсэн этгээдийг хайж эхэлжээ.
Сүүлийн хэд хоногт Чежүгийн нисэх онгоцны буудал болон нийт таван газар терроризмын мэдэгдэл нийтэлсэн байна.
Энэ сарын 4-нд Инчоны нисэх онгоцны буудалд тэсрэх бөмбөг тавьж, хүмүүсийг ачааны машинаар дайрна гэсэн постууд байсан бол 6-нд Гимпо зэрэг томоохон нисэх онгоцны буудлуудад бөмбөг дэлбэлнэ гэх мэдэгдэлүүд ар араасаа тавигдсаар байна.
Терроризмын тухай хэд хэдэн мэдэгдлийн хариуд улс даяарх нисэх буудлууд харуул хамгаалалтыг чангатгажээ.. Түүнчлэн, Агаарын тээврийн авиа компаниуд мөн ажилчдынхаа аюулгүй байдлын сургуулилт хийж хариу арга хэмжээ авч ажиллаж байна.
Орчуулагч Э.Тунгалаг