БНСУ-д энэ сарын 4-ний өдөр оройн 20.00 цагийн орчимд Сөүл хотын Апгужон метроны буудлын ойролцоо 600 сая воны үнэ бүхий Rolls Royos маркийн машиныг маш хурдтай жолоодож явсан нэгэн залуу явган хүний замруу орж, 20 настай эмэгтэйг дайрч гэмтээсэн хэрэг гарчээ.
Хэрэг гарсны дараа тухайн жолооч "Юу ч болоогүй юм шиг инээмсэглэж, хөдөлгөөнөө цааш үргэлжлүүлж, хүн дайрч гэмтээлээ гэж орилох хүмүүсийг үл тоож, цагдаа, эмнэлгийнхнийг иртэл утсаар ярьж, хохирогчруу анзаарч харахч үгүй байсан" гэж ослын гэрчүүд мэдүүлжээ.
Цагдаа нар тухайн иргэнийг баривчлан шалгахад, хар тамхины төрөл болох кетамин төрлийн бодис илэрсэн байна. Тус хэргийг Ганнам дүүргийн цагдаагийн хэлтэс шалгаж байгаа бөгөөд хэрэгтэн томоохон хуулийн фирмээс өмгөөлөгч хөлсөлсөн байгаа аж.
Осолд өртсөн бүсгүй нүүр, хэвлийн хэсгээрээ хүнд гэмтэлтэй, хоёр хөл нь хугарч, суунга болсон байна. Ослын дараа хохирогч 7 цагийн турш мэс засалд орж, одоогоор биеийн байдал маш хүнд байгаа талаар гэр бүлийнхэн нь болоод эмнэлгийн зүгээс онцолж байна.
Мөн хохирогч бүсгүйн тухайд Сөүлд сурахаар ирээд, цагийн ажлаа тараад метронд суухаар явж байснаа мэдүүлжээ.
Орчуулагч Э.Тунгалаг