20 дахь удаагийн Жюү жицүгийн ДАШТ Улаанбаатар хотноо үргэлжлэн явагдаж байна. Өнөөдөр насанд хүрэгчдийн ДАШТ-ий үндсэн өрсөлдөөн эхэллээ.
Эмэгтэй 70 кг-д ОУХМ Б.Хулан Өмнөд Солонгос, Казахстаны бөхчүүдийг дараалан цэвэр ялж, хэсгийн аваргын төлөө дэлхийн чансааг тэргүүлэгч, дэлхийн хошой аварга, Европын хошой аварга, Германы DENISE KRAHN-тай барилдаж, ялагдсан.
Ингээд хүрэл медалийн төлөө Иорданы Яра Какиштай өрсөлдсөн. Какиш бол дэлхийн чансааны 5-д эрэмблэгдсэн, дэлхийн мөнгө, хүрэлтэй, тивийн аваргын 2 алт, 2 мөнгөтэй тамирчин.
Манай тамирчин илүүрхсээр 3:0 ялж, дэлхийн аваргын хүрэл медалийн эзэн боллоо. Энэ удаагийн Улаанбаатар-2023 ДАШТ-ий нэ-ваза төрлийн манай анхны медалийг Б.Хулан авчирлаа.
