Кино урлагийг дэмжих сангийн 2023 оны сонгон шалгаруулалт эхэлсэнтэй холбогдуулан Монголын Үндэсний кино урлагийн зөвлөлөөс мэдээлж байна.
КУЗ-ийн гишүүн Н.Ганхуяг “Мэргэжлийн уран бүтээл нь мэргэжлийн, сонирхогчдын гэж хоёр хуваагдаж байдаг. Бид мэргэжлийн бүтээлийг дэмжинэ. Харин монгол хүн, зан заншил, байгаль ан амьтанд хэрцгийгээр хандсан, мансууруулах бодис, архи тамхи, ижил хүйстний агуулга бүхий, сурталчилсан бүтээлийг дэмжихгүй. Гэхдээ уран бүтээлчид нээлттэй кино хийх эрхтэй байдаг. Үүнийг хааж боосон зүйл байхгүй. Кино урлагийг дэмжих сангаас кино хийнэ гэсэн болгонд санхүүжилт өгөөд байдаггүйгэдгийг сайн ойлгох хэрэгтэй" гэлээ.
Үргэлжлүүлэн, КУЗ-ийн гишүүн н.Түмэн өлзий мэдээлэл өглөө.
Тэрбээр "Кино урлагийг дэмжих сангийн 2023 оны сонгон шалгаруулалтаас шалгарсан бүтээлүүд буцаан зээлээ төлөх, буцаан олгохгүй хоёр төрлөөр явагддаг. Бид продакшн, уран бүтээлчидтэй маш хатуу гэрээ хийдэг, хийсээр ч ирсэн. Хэрвээ тухайн бүтээл цагтаа гараагүй бол санхүүжилтээ буцаан төлөх гэрээтэй байдаг. Уг сангийн төсөв 10 тэрбум гэж байгаа ч өнгөрсөн жил Засгийн газар 1 тэрбум гаруй төгрөг олгосон" гэв.