Дуучин Нара арлын оронд урлагийн чиглэлээр сургууль дүүргэсэн боловсролтой бүсгүйчүүдийн эгнээг халаадаг. Ганц дан дуу дуулахгүй кинонд тоглож, сонгуульд нэр дэвшээд амжсан. Бас нийгмийн сүлжээнд идэвхтэй байдаг нэгэн.
Тэрээр сүүлийн зургаан жил Сэлэнгэ аймгийн Мандал сумын Түнхэл тосгонд зөгийн аж ахуй эрхлэн "Мангир" брэндийн бал, балын бүтээгдэхүүн үйлдвэрлэж буй. Өдгөө өөрөөсөө 20 насаар дүү говийн бор залуутайгаа амьдарч байгаа ч сэтгэлд нь хүрэхгүй, санаа зовоосон асуудлууд байгаа бололтой.
Хувийн амьдралаа олон нийтээс нуугаад байдаггүй адтай бүсгүй өөрийн цахим хуудаснаа элдэв сониныг бичнэ. Сүүлд хосуудыг маргалдахад бараг л Монголын бүхий л хүмүүс мэдсэн гэхэд хилсдэхгүй.
Харин энэ удаад сошиал Нара бүсгүйчүүдээсээ зөвлөгөө авахыг хүсчээ. Хөгжилтэй ч гэмээр түүний бичсэн нийтлэлийг хүргэж байна. Тэрбээр " Энэ нөхөр гэдэг хүн хэдэн жил болчихвол өөрөө юмыг санаа сэтгэлээрээ хийдэг санаачилгатай хүн болдог юм бэ?" хэмээв.
