ТАНИЛЦ: С.БЯМБАЦОГТЫН ДҮҮ НАРЫН ААЛЗНЫ ТОР ШИГ КОМПАНИУД

Д.УЛСБАЯР
2023/05/23

Хөгжлийн банкны сонсголоос бултсан Зам, тээврийн хөгжлийн сайд С.Бямбацогтын дүү нар болох С.Балжинням, С.Батчулуун нарыг ЦЭГ онцолж байна.

С.Бямбацогтын хамааралтай гэх “Ньюпрогресс групп” ХХК гурван охин компанитай. Тодруулбал, “Ньюпрогресс” ХХК, “Вестернхолд” ХХК, “Пропер ланд” ХХК гэж сална.  “Ньюпрогресс” ХХК-ийн захирлаар С.Бямбацогтын дүү С.Баянчулуун ажилладаг бол гол өмчлөгч нь Г.Сономжамц гэгч.

Дээр дурдсан “Вестернхолд” ХХК нь мөн л “Алтай трест” ХХК гэх охин компанитай. Хөгжлийн банкны сонсголд нэр бүхий эдгээр компаниудын захирлууд буюу С.Бямбацогтын дүү нар дуудагдсан гэсэн үг. 

“Вестернхолд” ХХК-ийг С.Бямбацогтын дүү нарын нэг болох С.Балжинням нь өмчилдөг бол “Алтай трест”-ийг нөгөө дүү нь болох С.Баянчулуун өмчилж байна.

Харин дээрх нэр бүхий компаниудын захирлаар Б.Шүрэнчимэг гэгч ажилладаг. “Алтай трест” ХХК-нд 2022 оны наймдугаар сард захирлаар томилогдож байсан бол “Вестернхолд” ХХК-нд он гараад удаагүй гүйцэтгэх захирал хийх болжээ.

Тэгвэл “Алтай трест” нь дахиад охин компаниудтай. “Термальгига ваттс” ХХК, “Монгол есөн зуун ерөн ес нэгдэл” ХК, “Эй жи жи эс” ХХК гэж задарна. Охин компаниуд ч охин компаниудтай. Зүгээр л компанийн аалзны тор үүссэн гэсэн үг.

1.Дээрх томоохон компаниудаас гадна С.Баянчулуун нь “Ховд аймгийн Сагсан бөмбөгийн нэгдсэн холбоо” НҮТББ, “Алтайн барс” клуб, “Хан төгөл апартмент” ХХК, “Хан төгөл эстэйтс” ХХК, “И энд Эй инфотек” ХХК, “Бизнес девелопмент групп” ХХК зэргийг эзэмшиж, өмчилдөг

2. Харин С.Балжинням нь “Тод консалтинг” ХХК, “Алтайн зам” ХХК, “Их монгол оргил” ХХК,  “Эвент ин монголия ноён өргөө” ХХК “Алтайн зам майнинг” ХХК, “Нью вестерн майнинг” ХХК, “Эн Пи петролиум” ХХК, “Чандмань өлзий бадрах” ХХК-иудыг эзэмшиж, өмчилдөг.

Өнөөх хэл ам дагуулаад байдаг “Алтайн зам” ХХК-ийг С.Балжинням  өмчилдөг нь үүнээс харагдаж байна. Энэхүү компани нь Ховд аймгийн Дарви суманд орших Хөшөөтийн нүүрний уурхайн хөрс хуулалт, олборлолтыг хариуцдаг. Цаашилбал, “Алтайн зам” ХХК-ийн гүйцэтгэх захирлаар Б.Энхбат гэгч ажилладаг. С.Балжиннямаас гадна М.Нямдаваа, Б.Билгүүн нар өмчилдөг гэсэн мэдээлэл байгаа юм.

Тэгвэл тус компанийн гүйцэтгэх захирал Б.Энхбатын нэр дээр “Алтай строй” ХХК, “Алтан мөнгөн овоо” ХХК бүртгэлтэй буюу өмчилж, эзэмшдэг хэлбрээр байдаг.  “Алтай строй” ХХК-ийн мэдээлэлтэй танилцваас мөн л С.Бямбацогтын дүү С.Баянмөнхтэй холбогдоно. Гэхдээ тус компанийг С.Баянмөнх үүсгэн байгуулсанч өнгөрсөн сонгуулийн дараа буюу 2021 онд эзэмшигчээр нь Б.Энхбатыг, гүйцэтгэх захирлаар нь Б.Мянганбуу гэгчийг бүртгүүлсэн. Үүнийг хэвлэлийнхэн халхавч төдий зүйл гэж хардаж байгаа. Учир нь “Алтай строй” ХХК нь Хөшөөтийн нүүрсний уурхайн нүүрсийг Ховд аймгийн Булган-БНХАУ-ын Такашикен боомтоор дамжуулан урд хөршрүү гаргах тээвэрлэлийг хариуцдаг.  Хэрэв С.Баянмөнх эл компаниа Б.Энхбатын нэр дээр шилжүүлээгүй байсан бол С.Бямбацогтыг Зам, тээврийн хөгжлийн сайдаар томилогдоход ашиг сонирхлын зөрчил яригдах байсан биз.

3. Тэгвэл одоо С.Бямбацогтын гурав дахь дүү С.Баянмөнхийг удирдаж эзэмшдэг компаниудтай танилъя. Тэрбээр, “Жи Эн Эс” ХХК, “Жи Би Монгол транс” ХХК, “Булганмах маркет” ХХК зэрэг басхүү хэдэн компанид хувьцаа эзэмшиж, өмчилдөг.

Энэ мэтээр С.Бямбацогтын төрсөн дүү нар болох С.Балжинням, С.Баянчулуун, С. Баянмөнх нарын эзэмшдэг компаниудын зах зух л гэхэд ийм байна. Тэд энэ олон компаниараа хаанаас ямар тендер авсан, ашиг сонирхлын зөрчил үүсгэж болохуйц юу байна гэхчлэн бид дараагийн дугаартаа мэдээлнэ. 







0
angry
0
care
0
haha
1
liked
0
love
1
sad
2
wow

Шинэ мэдээ
ЦАГДААГИЙН АЛБАН ХААГЧИЙГ ЭЛЭГЛЭЖ БУЙ БИЧЛЭГЭЭ ОЛОН НИЙТИЙН СҮЛЖЭЭНД Б… 19 цагийн өмнө
УВС АЙМАГ ДАХЬ ХИЛИЙН ЦЭРГИЙН 0245 ДУГААР АНГИЙН АЛБАН ХААГЧ ОСГОЖ АМ… 19 цагийн өмнө
ӨНДӨРХААН-ЧОЙБАЛСАН ЧИГЛЭЛИЙН АВТО ЗАМУУДАД ШИНЭЧЛЭЛТ ХИЙНЭ 21 цагийн өмнө
ОХИДЫН ЧИМЭЭГ ЧАГНАЯ 21 цагийн өмнө
С.ОДОНТУЯА ГИШҮҮНИЙ БОЛОВСРУУЛСАН “БАРУУН БҮС”, “ТӨВИЙН БҮС”, “ЗҮҮН БҮ… 2024/03/01
ТӨРСӨН ААВЫГАА “АЖЛЫН БАЙРАН ДЭЭРЭЭ НАС БАРСАН” ГЭЖ ХУУРАМЧ МАТЕРИАЛ Б… 2024/02/28
ХАРЬЯАЛАХ БҮРТГЭЛИЙН БАЙГУУЛЛАГДАА БҮРТГҮҮЛЭЭГҮЙ ЛОМБАРДУУД ЦААШИД ҮЙЛ… 2024/02/28
ГУРАВДУГААР САРД ЦАХИЛГААН ТОНОГЛОЛД ЗАСВАР ХИЙХ ХУВААРЬ 2024/02/28
ТӨВ БАНКНУУДЫН ХОЛБООНЫ ДЭЭД ТҮВШНИЙ ХУРАЛ БОЛЛОО 2024/02/28
П.САЙНЗОРИГ: БОГДХАН УУЛЫН ХИЛИЙН ЦЭСТЭЙ ХОЛБООТОЙ МАРГААНЫГ ЭЦЭСЛЭЖ, … 2024/02/28
КИРГИЗТЭЙ ФИНТЕК КОМДАНИУДЫГ ДЭМЖИХ, ХИЛ ДАМНАСАН САНХҮҮГИЙН АЖИЛЛАГА… 2024/02/28
УИХ-ЫН СОНГУУЛЬД ОРОЛЦОХ НАМ, ЭВСЛҮҮДИЙН МӨРИЙН ХӨТӨЛБӨРТ ДҮГНЭЛТ ГАР… 2024/02/28
Б.БАЯРМААГИЙН ҮЙЛДЭЛД ОЮУНЫ ӨМЧИЙН ГАЗАР ХАРИУЦЛАГА ТООЦНО 2024/02/27
ГАЗАР ДАВХЦУУЛАН ОЛГОЖ, ОРЦ, ГАРЦ ХААЖ, БАРИЛГА БАРЬЖ БУЙ АСУУДЛЫГ ХУУ… 2024/02/27
ГУРВААС ДЭЭШ ЖИЛ ҮЗЛЭГТ ОРООГҮЙ МАШИНЫГ УЛСЫН БҮРТГЭЛЭЭС ХАСНА 2024/02/27
ЗАВХАН ГОЛЫН ЭХЭЭР 42 ХЭМ ХҮРЧ ХҮЙТЭРНЭ 2024/02/27
ОРОН НУТГИЙН 416 КМ ЗАМЫГ НЭЭЖЭЭ 2024/02/27
БЗС-ААС ОЛГОГДСОН 4,2 ТЭРБУМ ТӨГРӨГИЙН ЗЭЭЛ МӨРДӨН ШАЛГАХ АЖИЛЛАГААНЫ … 2024/02/27
Б.БАТЗОРИГ: МАНСУУРСАН ЭТГЭЭД НАЙЗ ОХИНОО ХӨНӨӨЖ, НОХОЙД ӨГСӨН ГЭХ МЭД… 2024/02/26
НИЙТИЙН ТЭЭВРИЙН ЖОЛООЧ НАРЫН ЦАЛИНГ 3,500,000 ТӨГРӨГ БОЛГОХЫГ ШААРДАЖ… 2024/02/26