Жүжигчин У.Цогтбаярыг архидан согтуурсан үедээ гэр бүлийн хүчирхийлэл үйлдсэн хэргээр цагдаагийн байгууллагаас шалгаж байна гэх мэдээллийн дагуу ЦЕГ-ын Хэвлэл мэдээллийн төвөөс тодруулахад уг мэдээлэл үнэн гэдгийг хэлсэн юм.
Тэгвэл уг асуудлаар жүжигчин У.Цогтбаяр өөрийн цахим хуудсандаа сэтгэгдлээ илэрхийлжээ.
Тэрбээр, "Ганцаараа байцаагддаг байсан бол одоо бол хосоороо. Гэлээ ч амьдрал чамд хайртай хэвээрээ шүү. Мөн хэвлэл мэдээлэл, сайтууд, тв.нүүддээ гэж захихад нийтийн эрх ашгийн төлөө миний гэр бүлийг биш талбайн жагсаалыг сурвалжлаач гэж хичээнгүйлэн гуйя. Манай гэр бүлд хүчирхийлэл үйлдсэн байж болох ч энэ нь хэнд ч хэрэггүй мэдээ шүү дээ. (хүчирхийллийг үзэн яддаг, үйлдээгүй) Нүүрсчиддээ гэж хэлхэд харлуулах тактикын эцсийн арга чинь гэр бүл нь байдаг бол хэзээ ч хувирашгүй гэр бүлийг сонгож оролдсон байна даа. Нацист хулгайч нарын айдас мэдрэгдэж байна. Та нар бол цаг нь л болоогүй, тайван байх заяагүй хоригдлууд" гэжээ.
Түүний хэлж байгаагаар хүчирхийлэл үлдээгүй зохион байгуулалттай худал мэдээлэл гэнэ.