Сүүлийн үед урлаг, уран сайхны уран бүтээлчид өөрсдийн авч буй цалинг амьдрах хэрэгцээнд нь хүрэхгүй байгаа талаар цахим хуудсандаа нийтэлж давалгаалах болсон. Тэр дундаа дуурийн театрын дуучид ямар ч урлагийн арга хэмжээнд оролцохгүй гэдгээ мэдэгдээд байгаа билээ.
Тэд салбар нь Соёлын сайдтай байгаа ч урлагт тулгамдаж буй асуудал цалин, ажлын байрны нөхцлийг шийдэж өгөхгүй байгаад дургүйцлээ илэрхийлсээр байна.
Тэгвэл өөрийгөө хамгийн завгүй сайдаар тодорхойлоод байгаа Соёлын сайд Ч.Номин үүнд өнөөдрийг болтол ямар нэг тайлбар мэдээлэл өгөхгүй байгаа юм. Харин түүний нөхөр Г.Бат-Эрдэнэ асуудал болгоны араас эхнэрээ өмөөрөөд байгаа юм уу, элэглээд байгаа юм уу гэмээр зүйлс бичдэг. Энэ удаад "Болж өгвөл олон хүн гадаад явж ажиллаж, амьдарч үзэх хэрэгтэй. Ямар ажил хийж ямар цалин авдаг, тэрнийхээ хэдийг түрээс, татвар, даатгал төлдөг, боломж их ч ӨРСӨЛДӨӨН ямар өндрийг мэдрэх нь зөв.
Түүнээс биш гадаад явчихвал л яг алах гээд байна гэж бодож болохгүй. Миний мэдэх гадаадад амжилттай амьдарч байгаа хүмүүс үнэхээр унтах завгүй, нойр хоолгүй ажилладаг хөдөлмөрч хүмүүс байдаг. Өөрөөр хэлбэл залхуу хүмүүс бол хаана ч амьдарсан өөдлөхгүй. Бүр л их өрөнд орно" хэмээн байр сууриа илэрхийлжээ.
Түүний хэлж байгаагаар дуурийн дуучид, УДЭТ-ын жүжигчид залхуу хүмүүс бололтой. Тэрч утгаараа өөдлөхгүй, өр ширтэй байдаг санж.