Нийслэлийн тодотголтой эмнэлгүүдийг хөл, толгой мэдэгдэхээ байжээ
Нийслэлийн тодотголтой эмнэлгүүд хөл, толгой нь мэдэгдэхээ байж эхнээсээ дарга, цэргүүдээ сольж байгаа сурагтай. Учрыг тодруулваас, том артай хэдэн дарга нар өөр хоорондоо үгссэнээс үүдэлтэй гэх.
Тухайлбал, Нийслэлийн Эрүүл мэндийн газрын түр орлон гүйцэтгэгчээр Мэргэжлийн хяналтын ерөнхий газрын түр орлон гүйцэтгэгчээр ажиллаж байсан Д.Цэнд-Аюуш гэгч иржээ. Ирсэн даруйдаа л төрийн албан хаагчдыг халж, сэлгэнэ гэж ёсзүйгүй үйлдлүүд гаргаж байгаа талаар эх сурвалж мэдээлжээ. Түр томилогдсон хэрнээ ажлаа авсан эхний өдрөөсөө л “Тендерийн үнэлгээний хорооны гишүүдийг би өөрчилнө” гэх зэргээр бүтэц, орон тоо руу нь чиглэсэн үг үйлдэл гаргаад байгаа аж.
Мөн Нийслэлийн харъяа эмнэлгүүд, Эрүүл мэндийн төвийн удирдлагуудыг удаа дараа дуудаж дарамт шахалт үзүүлж эхэлсэн гэх.
Энэ мэт эрүүл мэндийн салбарт албан тушаал, эрх мэдлийн “дайн” өрнөж болох уу?. Элдэв хэл ам, ёсзүйгүй үйлдэл, халаа солио, томилгоо, ар өврийн хаалга гэдэг зүйлийг аль ч салбараас тэр дундаа эрүүл мэндийн салбараас ангид байлгах ёстой.
Гэтэл хурган дарга нарын хуудуутай үйлдлээр улстөрөөс ангид байх ёстой энэ салбар идээ бээрэндээ дарагдах нь.