Инээдмийн баяр: Тэнэгүүдийн баярыг яагаад тэмдэглэх болсон бэ?

Жил бүрийн дөрөвдүгээр сарын 1-нийг "Инээдмийн баяр - Тэнэгүүдийн өдөр (April Fool's Day, День Смеха - День Дурака)" хэмээн нэрлэж найзууд нэгнийгээ шоглон, бяцхан мэхэлж хөгжилддөг уламжлал дэлхий дахинд тогтжээ. Хууран мэхлэлтээ илчлэхдээ Монголд "Дөрөвдүгээр сарын нэгэн" хэмээдэг бөгөөд ихэвчлэн худал хэлж, пранк хийж буй ажиглагддаг. Зарим улсад энэ өдрийг тохиолдуулан хэвлэл мэдээллийн хэрэгсэл, томоохон байгууллагууд хуурамч мэдээлэл тараагаад маргааш нь илчилдэг тохиолдол бий. Украины Одесса хотод гэхэд энэ өдөр бүх нийтээр амардаг уламжлалтай. Хөршүүд, найз нөхдөөрөө энгийнээр, бяцхан тоглох нь дэлхий дахинд түгээмэл юм. Харин хэрхэн, яагаад тэмдэглэдэг болсон нь тодорхой биш. Тэнэгүүдийн өдрийг тэмдэглэх болсонтой холбоотой олон таамаглал бий. Үүнээс хамгийн эртний, боломжит таамгуудыг хүргэе.Таамаглал 1. Английн зохиолч Жеффри Чаусерын 1392 онд гаргасан "Кентерберийн үлгэрүүд" номонд "Гэлэнмаа, Санваартны үлгэр"-т үнэг азарган тахиаг"Syn March bigan thritty dayes and two" хэмээн хуурдаг байна. Уншигчид энэ өгүүлбэрийг "Гуравдугаар сарын 32" буюу дөрөвдүгээр сарын 1-н хэмээн ойлгодог аж. Гэвч Чаусер нь үлгэртээ дөрөвдүгээр сарын 1-ний тухай дурдсан эсэх нь эргэлзээтэй. Орчин үеийн эрдэмтэд түүний үлгэрийг гар бичмэлээс хөрвүүлэхэд алдаа гарсан ба үнэндээ "Syn March was gon" гэж бичсэн хэмээн үздэг байна. Энэ нь гуравдугаар сарын 32 бус тавдугаар сарын 1-ний өдрийг төлөөлөх ба 1381 оны тавдугаар сарын 1-ний өдөр Английн Хоёрдугаар Ричард хаан сүй тавьж байжээ.Таамаглал 2. Францын яруу найрагч Элой Д'Амарвел 1508 онд дөрөвдүгээр сарын 1-нийг "Дөрөвдүгээр сарын тэнэг" хэмээн бичсэн байдаг. Учир нь Европын ихэнх хотууд гуравдугаар сарын 25-нд шинэ жилийн баярыг тэмдэглэдэг байсан бол Францын зарим нутагт дөрөвдүгээр сарын 1-нд тэмдэглэдэг байжээ. Харин нэгдүгээр сарын 1-нд шинэ жилийг тэмдэглэдэг хүмүүс тэднийг дөрөвдүгээр сард тэмдэглэдгээр нь шоолдог байсан аж.Таамаглал 3. Франц улс 1564 онд Жулианы хуанлигаас Грегорийн хуанли руу шилжсэн. Жулианы хуанли болон Хиндү шашны хуанлигаар Шинэ жил дөрөвдүгээр сарын 1-нд эхэлдэг байна. Грегорийн он тооллоор нэгдүгээр сарын 1-нээс Шинэ жилийн баярыг тэмдэглэж эхэлсэн боловч зарим хүмүүс мэдэлгүй өмнөх он тооллоороо тэмдэглэдэг байжээ. Үүнийг нь бусад хүмүүс шоолж "Дөрөвдүгээр сарын тэнэгүүд" хэмээдэг байсан аж.