НИТХ-ын ээлжит бус IV хуралдаан өнөөдөр болж байна. Өнөөдрийн хурлаар угаарын хийн мэдрэгчийг худалдан авах, нийлүүлэх асуудлыг хэлэлцлээ.
ЭНЭ ҮЕЭР НИТХ-ЫН ТӨЛӨӨЛӨГЧ З.ТӨМӨРТӨМӨӨ:
-Утааны асуудлыг улстөржүүлж ярьмааргүй байна. Утааны сонсголыг үзсэн. Сонсголоор хэдэн инженер, Тавантолгойн түлшийн ажилчдыг суулгачихаад та нар Монголыг хорлох даалгавар хэнээс авсан бэ гэж асууж байсан. Үйлдвэрийн хортой, хүнд нөхцөлд ажилладаг хүмүүсийг үгүйсгэж бас болохгүй. 2018 оны 62 дугаар тогтоол бол муу тогтоол байгаагүй. 2019, 2020, 2021 онуудад “Тавантолгой түлш” ХХК-ийнхан Эрчим хүчний яам, Байгаль орчны яамтайгаа хамтарч маш хариуцлагатай ажилласан. Иргэдийн бүх үйлчилгээг төрөөс хийж өгсөн. Зуухыг нь сольж, янданг нь хөөлж, гал түлэхийг хүртэл зааж өгсөн. Тэгэхээр нэн тэргүүнд иргэд угаартахгүй байх нөхцлөө хангаж, өөрсдийгөө эрсдлээс хамгаалж сурмаар байна. “Тавалтолгойн түлш” ХХК-ийн шинэ захирлаас ямар төлөвлөгөөтэй ажиллаж байгааг асуумаар байна. Өнгөрснөө үгүйсгэхээсээ илүү шийдлээ хотын төлөөлөгчдөд хэлж өгөөсэй гэж хүсч байна. Утаасны асуудал дээр, төр зүтгэсэн хүндээ халтай гэдэг шиг хүний хийж бүтээснийг ярихгүй, шүүмжилсээр байгаад харамсаж байна. Хийн түлшний асуудлын хувьд бид ярьж эхэлсэн. Ярих ч ёстой. Их том үнийн дүнтэй төсөл хэрэгжээд явж байна. Одоо ямар түвшинд явж байгааг төсөл хэрэгжүүлэгчээс асууя гэлээ.
