УИХ-ын гишүүн А.Ундраа, УИХ-ын гишүүн М.Сарнай нарын санаачилгаар баялаг бүтээгч бизнес эрхлэгчдийг дэмжих, шинэлэг бараа бүтээгдэхүүнийг олон нийтэд таниулах, экспортыг дэмжих зорилгоор “Жамьянмядаг 2025” үзэсгэлэн, худалдааг 2025 оны 02 дугаар сарын 15-наас 16-ны өдөр 10:00-18:00 цагийн хооронд 2 өдрийн турш МҮЭСТО-д зохион байгуулах гэж байна.
“Үндэсний Эвсэл” нь Солийн Данзангийн “Иргэн баян бол улс баян” үзлийг эрхэмлэн үндэсний үйлдвэрлэл, хувийн хэвшлийг дэмжин ажилладаг.
УИХ-ын гишүүн А.Ундраа тус үзэсгэлэн, худалдааг 2016, 2017, 2018 онуудад “Вансэмбэрүү экспо” нэртэйгээр зохион байгуулж, оролцогч байгууллагуудаас шилдэг, шинэлэг, байгальд ээлтэй бүтээгдэхүүнийг урамшуулж байсан билээ.
Энэ удаад “Жамьянмядаг 2025” нэртэйгээр зохион байгуулагдах тус үзэсгэлэн, худалдаанд оролцсон аж ахуйн нэгж, байгууллагуудаас мөн шилдэг бүтээл шалгаруулж, урамшуулан, бүтээгдэхүүн, үйлчилгээг нь олон нийтийн хүртээл болгох талаар дэмжих юм.
“Жамьянмядаг 2025” үзэсгэлэн, худалдаанд оролцох хүсэлтэй үндэсний үйлдвэрлэгч аж ахуйн нэгж, байгууллагыг 2025 оны 01 дүгээр сарын 17-ны өдрөөс 01 дүгээр сарын 31-ний өдрийн 18:00 цаг хүртэл доорх линкээр бүртгэх тул баялаг бүтээгч та бүхнийг идэвхтэй оролцохыг уриалж байна.
Жич: Үнэ төлбөргүй оролцоно.
Дэлгэрэнгүй мэдээллийг 976-80558538, 976-99107034 дугаараас авна уу.
