Сонгинохайрхан дүүргийн иргэдийн Төлөөлөгчдийн Хурлын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга Д.Ундармаа Замын цагдаагийн хэлтсийн албан хаагчидтай уулзаж, өнөөдрийн уулзалтаа эхлүүллээ.
Уулзалтаар дүүргийн Замын цагдаагийн хэлтсийн алба хаагчдын санал сэтгэгдлийг сонсон, нөхцөл байдалтай танилцсан юм.
Тус хэлтэст өнгөрсөн хугацаанд алба хаагчдын аюулгүй байдлыг хангах үүднээс 20 ширхэг энгэрийн камер, хэлтсийн байрны гадна болон дотор 17 камерийн санхүүжилтийг шийдвэрлэж хүлээлгэн өгсөн.
Алба хаагч болон байгууллагыг бүрэн камержуулснаар албан хаагч болон иргэдийн аюулгүй байдлыг хангахаас гадна бусдад гүтгүүлэх, эрх чөлөөнд халдах эрсдэлийг бууруулж байгааг дүүргийн Замын цагдаагийн хэлтсийн дарга Б.Зоригт хэлж байв.
Уулзалтын үер Гэмт хэрэг зөрчлөөс урьдчилан сэргийлэх ажилдаа амжилт гарган үр бүтээлтэй ажилласан алба хаагчдад иргэдийн Төлөөлөгчдийн хурлын Хүндэт тэмдэг, өргөмжлөл гардуулан өглөө.
Мөн албан хаагчдын санал хүсэлтийг сонсож цаашид гэмт хэрэг зөрчлөөс урьдчилан сэргийлэх ажилд шаардлагатай тоног төхөөрөмж, техник хэрэгсэл, ажлын байрны засварын ажлыг дэмжин ажиллахаа ДИТХ-ын дарга илэрхийллээ.
Түүнчлэн хичээлийн шинэ жил эхлэх гэж буйтай холбогдуулан сурагчдыг авто машины аваар ослоос урьдчилан сэргийлэх аяныг дүүргийн Замын цагдаагийн хэлтэстэй хамтран зохион байгуулахаар боллоо.
