НҮБ-ын Хүүхдийн сангийн "Ус ариун цэврийн байгууламжийг сайжруулах төсөл”-өөс Сонгинохайрхан дүүргийн 21 дүгээр хороо Жаргалант тосгоны 74-р сургуулийг ЭКО сургууль болгохоор 100%-ийн хөрөнгө оруулалт хийж байгаа билээ. Энэхүү ажлын хүрээнд сургууль болон сурагчдын дотуур байрны ариун цэврийн байгууламжийг бие даасан бохирын цэвэрлэх байгууламжид холбох ажил 50%-ийн гүйцэтгэлтэй хийгдэж байна.
Төслийн ажлын гүйцэтгэлтэй танилцахаар НҮБ-ын суурин төлөөлөгч Эваристе Коуасси Комлан болон ажлын хэсгийн бүрэлдэхүүний хамтаар 74-р сургууль дээр ажиллалаа.
Тус сургууль нь 1970 онд байгуулагдсан бөгөөд урсгал засвар хийх нэн шаардлагтай байсан юм. Энэхүү ажлын хөрөнгө оруулалтыг шийдвэрлэж өгсөн НҮБ-д талархал илэрхийлье.
Сурагчид маань тавтай орчинд хичээллэх боломжоор хангагдаж байгаад баяртай байна.
Ариун цэврийн байгууламжийг 8-р сарын 15-ны өдрөөс өмнө хүлээлгэж өгөхөөр ажиллаж байгаа юм.
