2024-2025 оны галлагааны улирал эхэлж байгаатай холбогдуулан өчигдрөөс нийслэлийн 7 дүүрэгт борлуулалтын 670 цэгээр шахмал түлш худалдаалж эхэллээ. Нэг шуудай шахмал түлш 3750 төгрөгөөр борлуулагдана.
Тавантолгой түлш ХХК-ийн Ерөнхий инженер Ц.Алтансүх: "Өвөлжилтийн бэлтгэл ажлын хүрээнд үйлдвэрүүдийн их урсгал засварууд 85 хувийн гүйцэтгэлтэй байна. Барьцалдуулагч 9000 тн, шуудай 19 сая ширхэг, мидлинг 300 орчим мянган тоннын нөөцтэй байна. Өвөлд бэлэн, асуудал байхгүй" гэв.
Шахмал түлшний “Сайн” картаа гээсэн болон шинээр авах бол харьяа дүүргийнхээ Хэрэглэгчдэд үйлчлэх төвийн салбараас авна уу.
