Нийслэлийн хэмжээнд нийт 16 байршилд хичээлийн шинэ жилд зориулсан үзэсгэлэн худалдаа болж байгаа. Өнөөдөр Сүхбаатар дүүргийн 4 дүгээр хороо Хичээнгүй сайд Б.Цэрэндоржийн нэрэмжит гудамжинд зохион байгуулагдаж байгаа өргөтгөсөн худалдааны нээлт боллоо.
Нээлтийн үйл ажиллагаанд Сүхбаатар дүүргийн Менежер Э.Чинзориг Улаанбаатар хотын Захирагчийн Ажлын албаны Хүнс, худалдаа үйлчилгээний газрын дарга Б.Эрдэнэчимэг, нар оролцлоо. Өргөтгөсөн худалдаа 09.03-ны өдөр хүртэл үргэлжилнэ. Хотын түгжрэлийг бууруулах, иргэд олон нийтэд худалдаа үйлчилгээг ойртуулан, шууд үйлдвэрийн үнээр хичээлийн шинэ жилийн бэлтгэлээ хангахад дэмжлэг үзүүлэх, дотоодын үйлдвэрлэгчдийн бараа бүтээгдэхүүний борлуулалтыг нэмэгдүүлэх зорилготой энэхүү үзэсгэлэнд 70 гаруй аж ахуйн нэгж оролцож байна.
