Сүхбаатар дүүргийн "Хичээлийн шинэ жил-2024" өргөтгөсөн худалдаа Хичээнгүй Сайд Б.Цэрэндоржийн гудамжинд 2024.08.01-өдрөөс эхэлсэн бөгөөд 09.03-ны өдөр хүртэл үргэлжлэх юм. Өртгөтгөсөн үзэсгэлэн худалдааны нээлтийг өнөөдөр 12 цагаас зохион байгуулна.
Өргөтгөсөн худалдаанд сурагчийн дүрэмт хувцасны үндэсний үйлдвэрлэгч 6 ААН хамтран ажиллаж, 70 гаруй гаруй ААН, иргэд оролцож байна.
Сурагчийн дүрэмт хувцасны дотоодын үйлдвэрүүд худалдан авагчдад ая тухтай үйлчлүүлэх нөхцөлийг бүрдүүлсэн бөгөөд бараа бүтээгдэхүүнээ үйлдвэрийн үнээр худалдаалж, татварын ибаримт олгож байна.
Хичээлийн шинэ жилийн өргөтгөсөн худалдаагаар бүх төрлийн бичиг хэрэгсэл, хүүхдийн дотуур хувцас, гутал, цүнх зэрэг бараа бүтээгдэхүүнийг хямд үнэ, өргөн сонголттойгоор худалдаан авагчдад хүргэн үйлчилж байна.
Өргөтгөсөн худалдааг дүүргийн ЗДТГ, дүүргийн Татварын хэлтэс, 4 дүгээр хорооны ЗДАА, оролцогч ААНБ, иргэдтэй хамтран зохион байгуулж байна.
