Төв аймгийн Баянхангай сумын Хөшөөт багийн нутаг аймгийн төвөөс баруун зүгт 153 км, сумын төвөөс баруун урд зүгт 30 км-т орших Цэнгээгийн худаг хэмээх газарт суудлын автомашинаар зочиж явсан иргэд сураггүй болжээ. Энэ дуудлагыг хоёрдугаар сарын 4-ний 03:08 цагт Онцгой байдлын газар хүлээн авсан байна.
Дуудлагын дагуу тус аймгийн Онцгой байдлын газрын Эрэн хайх, аврах салбарын алба хаагчид очиж Төв аймгийн Баянхангай сумаас Улаанбаатар хотын чиглэлд Приус-41 суудлын автомашинаар зорчиж явсан 48 настай эрэгтэй С нь 18, 13, 12 настай эрэгтэй хүүхдүүдийг эрэн хайх ажиллагааг эхлүүлжээ.
Тэднийг мөн өглөөний 06:30 цагт тус сумын Хөшөөт багийн нутаг Гэзэггүй-Ар хэмээх газарт автомашин нь цасанд суусан байсныг олж, машиныг татан гаргах боломжгүй тул үлдээж, дөрвөн иргэнийг сумын төвд тээвэрлэн хүргэсэн хэмээн ОБЕГ-аас мэдээлэв.
