УИХ-ын гишүүн Г.Амартүвшин, Х.Ганхуяг нарт холбогдуулан шалгаж байсан Хөгжлийн банкны хэргийг давж заалдах шатны шүүхээр дахин хэлэлцэхээр болжээ. Эх сурвалжийн мэдээллээр, Нийслэлийн Эрүүгийн хэргийн давж заалдах шатны шүүх хэргийг 2024 оны нэгдүгээр сарын 9-нд хүлээн авсан байна.
Хэргийн тухайд, УИХ-ын гишүүн Г.Амартүвшин, Х.Ганхуяг нарыг “Вертекс майнинг партнер” ХХК-ийн авсан зээлтэй холбогдуулан яллагдагчаар татаад байсан. Ингэхдээ өнгөрсөн онд нийслэлийн Сүхбаатар дүүргийн Эрүүгийн хэргийн анхан шатны шүүх хэлэлцэж, Х.Ганхуяг, Г.Амартүвшин, Н.Алтанхуяг нарын 48 хүнд холбогдох хэргийг хэрэгсэхгүй болгож шийдвэрлэсэн байдаг.
