Сүхбаатар аймгийн Дарьганга сумын нутагт өчигдөр хоёр том хүн, хоёр хүүхэд машин дотроо осгож, амиа алдсан харамсалтай явдал болжээ.
Энэ талаар ЦЕГ-аас "Цагдаагийн байгууллагад нэгдүгээр сарын 11-ний 14:40 цагт Сүхбаатар аймгийн Дарьганга сумаас зүүн хойш 25 километр зайд “Таван хүн машиндаа осгосон шинжтэй байна” гэх дуудлага, мэдээлэл бүртгэгдсэн.
Тус аймгийн цагдаагийн газраас шалгахад урьдчилсан байдлаар "Toyota Harrier" загварын тээврийн хэрэгсэлд 42-63 насны эрэгтэй, эмэгтэй хоёр, 4-16 насны эрэгтэй, эмэгтэй хоёр хүүхэд нийт дөрвөн хүн осгосон байдалтай амь насаа алдсан харамсалтай тохиолдолд мөрдөн шалгах ажиллагааг явуулж байна.
