Дорнод аймгийн Хэрлэн сумын II баг Бөмбөгтэй хөшөөний ойролцоох гэрээсээ 17:00 цагийн үед гараад сураггүй алга болсон долоон настай С хүү хэд хоногийн дараа нас барсан байдалтай олдсон. Эл хэрэгт түүний хойд эцэг болох 34 настай Б-г амь насыг нь хөнөөсөн байж болзошгүй хэмээн цагдаагийн байгууллагаас мөрдөн шалгах ажиллагаа явуулж байв. Тэгвэл үхлийн шалтгаан тодорхойгүй байсан тус хэрэг шүүхээр эцэслэгдэн тогтоогджээ. Тодруулбал, Дорнод аймаг дахь сум дундын Эрүүгийн хэргийн анхан шатны шүүхээс сураггүй алга болоод байсан 7 настай хүүг зам тээврийн ослын улмаас амь насыг нь хөнөөсөн хэмээн Б гэгчид 7.6 жилийн хорих ял оноож, тээврийн хэрэгсэл жолоодох эрхийг нь 6 жил хассан байна.
