УИХ-ын чуулганы нэгдсэн хуралдаанаар 2024 оны ээлжит Сонгуулийн тойрог байгуулах тойргийн мандатын тоо, дугаар, нутаг дэвсгэрийн төвийг тогтоох тухай тогтоолын төслийг хэлэлцэж байна.
УИХ-ЫН ГИШҮҮН Ц.ИДЭРБАТ:
Сонгуулийн томосгосон, бүсчилсэн тойрог улс орноо бодсон зөв зүйл гэж бодож байгаа. Сонгууль будлиангүй явуулах гол хүчин зүйл сонгуулын санал хураалтыг тоолох төхөөрөмж байдаг. Одоо ашиглагдах төхөөрөмж өмнөхөөсөө өөр байна уу, ижил байна уу. Сонгуулийн хэсгийн хороодуудыг олон болгох хэрэгтэй. Нэг хэсгийн хороон дээр хурууны хээ уншдаг төхөөрөмж нь гацаж, уншиж, эвдрэл хэмхрэл гардаг. Техникийн бэлэн байдлыг хангахад Улсын бүртгэлийн хурууны хээ уншдаг төхөөрөмж их хэрэгтэй. Гол нь оройн 22.00 цагт гацдаг. Үүнд анхаармаар байна. Хэнтий аймагт орон нутгийн нөхөн сонгуулийн саналыг хуруугаараа тоолчихоод зууханд аваачаад шатаасан тохиолдол 2013 онд гарч байсан.
