Нүүрсний хянан шалгах түр хорооноос зохион байгуулж буй хоёр дахь шатны сонсгол хоёр дахь өдрөө төрийн ордонд үргэлжилж байна. Сонсголын үеэр хянан шалгагч шинжээч "2011 оны 10 сараас 2023 оны 10 сар хүртэл ЭТТ ХК нийт гэрээнээс 826 сая ам.доллар-ын үнийн зөрүү гарахаар байна" гэх мэдээллийг өгсөн. Энэ асуудлын хүрээнд
УИХ-ын гишүүн Д.Ганбат: Чалкогийн гэрээ Монгол Улсын иргэнд ашигтай гэрээ юу?
ЭЗХ-ийн сайд Ч.Хүрэлбаатар: Асуултыг нь ойлгосонгүй. Сайн мэдэхгүй юм байна. Өөрөө сайн мэддэг байх.
Сангийн сайд асан С.Баярцогт: Энэ хэлэлцэж байгаа асуудалтай холбоогүй юм байна. Намайг Сангийн сайд байхад бид стратегийн ордуудаад орлого төвлөрүүл гэх үүрэг авч байсан. Энэ арга хэмжээний хүрээнд Таван толгой, зүүн болон баруун цанхи дээр хэлэлцээр явж байсан. Нэг нь дотооддоо үйл ажиллагаагаа чиглүүлэх, нөгөөх нь гадааддаа үйл ажиллагаагаа чиглүүлэх гээд. Он цагийн дараалал үйл ажиллагаагаа нарийн салгахгүй бол олон нийтэд буруу ойлголт өгөхөөр байна. Чалкогийн гэрээг хийхэд хоёр компани л оролцсон. Засгийн газар оролцоогүй.
