Сүхбаатар аймгийн Асгат сумын Өлзийт багийн “Аман хужир" гэдэг газар /аймгийн төвөөс урд зүгт 80 км-т, сумын төвөөс баруун урд зүгт 35 км-т/ тус сумын харьяат малчин Э нь 12 сарын 15-ны өдрийн 21:00 цагийн орчим гэрээсээ 10 орчим км-ын зайтай айлд очихоор морьтой яваад сураггүй болсон тухай дуудлагыг 12 сарын 16-ны өдрийн 21:30 цагт хүлээн авсан. Тус аймгийн Онцгой байдлын газрын гал түймэр унтраах, аврах 15 дугаар ангийн алба хаагчид Асгат сумын Засаг даргын Тамгын газрын 5 ажилтантай хамтран 80 км зам туулан 12 сарын 17-ны өдрийн 04:02 цагт очиж малчин Э /49 настай, эрэгтэй/-ыг “Буйрын хөндий" “Аманхужир" “Салаа" “Бага-Уул" “Холбоо" “Хээшин хөндий" гэдэг газруудад нийт 41 км-т эрэн хайх ажиллагааг зохион байгуулж 20:20 цагт түр зогсоосон. Тэгвэл 12 дугаар сарын 18-ны өдрийн 08:00 цагт эрлийг дахин эхлүүлсэн байна.
