Сэтгүүлч Н.Өнөрцэцэгийг суллах эсэхийг шийдэх шүүх хурал өчигдөр /2023.12.12/ боллоо. Шүүхээс Zarig.mn сайтын эрхлэгч Н.Өнөрцэцэгийг үргэлжлүүлэн цагдан хорих шийдвэрийг гаргасан юм.
Шүүхийн шийдвэртэй холбогдуулан түүний өмгөөлөгч П.Эрхэмбаяр "Цагдан хорих таслан сэргийлэх арга хэмжээг өөрчлөхгүй гэж шүүх үзлээ. Өмгөөлөгч нарын гаргасан хүсэлтийг хэлэлцсэнгүй. Ерөнхий шүүгч рүү гомдол гаргана. Н.Өнөрцэцэгтэй уулзаж байгаа. Биеийн байдал нь сайнгүй байна. Сэтгэл санааны хувьд ч хэцүү байна. Бага насны хүүхэд асран хамгаалахтай холбоотой асуудал манай үйлчлүүлэгч дээр зайлшгүй хөндөгдөж байна" гэсэн юм.
