Өнөөдөр УИХ-ын чуулганы нэгдсэн хуралдаан хуралдаж эхлээд байна. Хуралдааны үеэр, ЭЗХ-ийн сайд Ч.Хүрэлбаатар, "Сонгуулийн товыг тогтоох асуудлыг хэлэлцэх снал хэллээ. Ингэхдээ хуулийн хугацаа дуусахад ганцхан сарын хугацаа үлдлээ. Сонгуульд нэр дэвших санаатай хүмүүс айл өрхүүдээр яваад мөнгө тараагаад эхэлчихсэн байна. Иймд тойргийн асуудал чухал болоод байна. Улс орны хэмжээнд хэрэгжүүлэх ёстой арга хэмжээнүүдээ авч хэрэгжүүлээд явбал эдийн засаг дорхноо өндийгөөд босоод ирнэ. Тойргийн жижиг байдлын зовлонд байх юм бол Монгол Улс хэзээ ч хөгжихгүй. Тийм учраас сонгуулийн тойргийн асуудлыг хэлэлцэхдээ жижгэрүүлэх биш улам томруулмаар байна. Одоогийн тойргоо дахин томсгомоор байна. Сонгуулийн тойргийг тогтоохдоо бүсчилсэн хэлбэрээр явуулж байж улс орны өмнө тулгамдаад байгаа эдийн засгийн асуудлуудыг шийдвэрлэнэ" гэсэн юм.
