Нүүрсний сонсголын эхний шатны сонсгол гурав дахь өдрөө үргэлжилж байна. “Эрдэнэс Тавантолгой ХК-ийн үүсгэн байгуулагдсанаас хойших үйл ажиллагаа болон санхүүгийн орлого, зарлагын тухай сонсож байна. Энэ үеэр шинжээч ЭТТ ХК 2011-2023 оны хооронд "Эрдэнэдрийлэнг" ХХК-тай 11.1 тэрбум төгрөгийн зургаан удаагийн гэрээ байгуулсан талаарх баримтыг танилцуулсан. Ингэхдээ тус гэрээнүүдэд илэрсэн зөрчлийг мэдээлсэн. Тодруулбал, шинжээч "Нэг тэрбум 300 сая төгрөгийн төсөвт өртөгтэй тендерт “Эрдэнэдрийлэнг“ ХХК-ийг шалгаруулсан. Ижил төстэй ажлын туршлагыг 3 тэрбум байхаар үнэлгээний хороо шийдсэн. Гэвч гэрээний үнийн дүн байхгүй гэрээ ирүүлсэн байхад яаж гурван тэрбумд хүргэсэн юм бүү мэд үнэлээд, шаардлагад нийцсэн оролцогч гээд шалгаруулаад явчихсан байна" гэлээ.
