Төрийн болон орон нутгийн өмчит, өмчийн оролцоотой зарим компаниудын үйл ажиллагаанд хяналт шалгалт хийх, хяналт шалгалтын тайланг Улсын Их Хуралд танилцуулах үүрэг бүхий Хянан шалгах түр хороо хуралдах юм байна. Хуралдаанаар нотлох баримтыг шинжлэн судлах сонсголын тов гарах бөгөөд сонсголд гэрчээр дуудах тухай асуудлыг хэлэлцэж байна.
Өнгөрсөн хугацаанд нүүрсний гэх тодотголтой хэрэгт яллагдагчаар татагдаад байсан УИХ-ын гишүүн асан Т.Аюурсайхан болон Эрдэнэс Тавантолгой ХХК-ийн Гүйцэтгэх захирал асан Б.Ганхуяг нар тус сонсголд оролцох хүсэлтэй байгаа талаараа мэдэгдэж байсан. Тэгвэл гэрчээр дуудах хүмүүсийн жагсаалтад Б.Ганхуягийн нэр багтжээ.
