Эрүүгийн хуульд нэмэлт өөрчлөлт оруулах тухай хуулийн төсөл өнөөдрийн нэгдсэн чуулганаар эцсийн хэлэлцүүлгээ хийж, батлагдлаа. Уг хуулийн үзэл баримтлал нь:
1. Бага насны хүүхдийн эсрэг үйлдсэн гэмт хэрэгт оногдуулах ялын бодлогыг чангатгаж, уг гэмт хэрэг үйлдсэн этгээдийг магадлангаар оруулж, хугацаанаас нь өмнө суллахгүй, өршөөлд хамруулахгүй байхаар,
2. Мөн Эрүүгийн хуулийн авилга албан тушаалын гэмт хэрэг буюу 22-р бүлгийн 22.1-р зүйлийн 3 дахь хэсэг, 22.4-р зүйлийн 3 дахь хэсэг, 22.10-р зүйлийн 2 дахь хэсэгт заасан улстөрд нөлөө бүхий этгээд авилга авсан, үндэслэлгүй хөрөнгөжсөн, албан тушаалаа урвуулан ашигласан гэмт хэрэгт өршөөл үзүүлэхгүй байх, магадлангаар оруулж хугацаанаас нь өмнө суллахгүй байхаар,
3. Мөрдөн шалгах ажиллагааны нууцыг задруулсан гэмт хэрэгт оногдуулах ялын бодлогыг чангатгаж,
4. Согтуурсан, мансуурсан үедээ тээврийн хэрэгсэл жолоодож зөрчил гаргасан тохиолдолд эхний удаа тээврийн хэрэгсэл жолоодох эрхийг 1 жилийн хугацаагаар хасаж, дөрвөн зуун нэгжтэй тэнцэх хэмжээний төгрөгөөр торгох, эсхүл 7-30 хоногийн хугацаагаар баривчлах шийтгэл оногдуулна. Энэ үйлдлээ дахин үйлдсэн тохиолдолд Эрүүгийн хуулиар 6 сараас 1 жил хүртэл хугацаагаар хорих ялаар шийтгэхээр тус тус хуульчиллаа.
