УИХ-ын чуулганы өнөөдрийн хуралдаанаар бүрэн эрхийн хугацаа нь дуусгавар болсон Д.Одбаяр, Н.Чинбат нарыг Үндсэн хуулийн цэцийн гишүүнээс чөлөөллөө.
Д.Одбаяр 2016 оны 11 дүгээр сараас Улсын Их Хурлаас нэр дэвшин Үндсэн хуулийн цэцийн гишүүнээр томилогдож 2017 оны 6 дугаар сарын 14-ний өдрөөс Үндсэн хуулийн цэцийн даргаар сонгогдон 2019 оны 12 дугаар сарыг хүртэл ажилласан юм. Тэрээр цэцийн даргаар ажиллаж байх хугацаандаа гадаад улсад онгоцны үйлчлэгч бүсгүйн биед хүрч, зүй бус үйлдэл гаргасан асуудалд холбогдсон. Улмаар албан тушаалаасаа чөлөөлөгдөх хүсэлт гаргасныг Үндсэн хуулийн цэцийн нийт гишүүд хэлэлцэж албан тушаалаас нь огцруулсан юм.
Үүнээс хойш тэрбээр Үндсэн хуулийн цэцийн гишүүнээр ажиллаж байсан бөгөөд, өнөөдрийн УИХ-ын чуулганаар түүний бүрэн эрхийн хугацаа дууссан тул албан тушаалаас нь чөлөөллөө.
