Төсвийн хууль хэлэлцэж байхад анхдагч хууль болох Газрын хуулийн төслийг оруулж ирж байгааг УИХ-ын гишүүн Ш.Адьшаа буруутгаж, Ашигт малтмалын хууль, Газрын тухай хууль учир дутагдалтай байгааг онцлов.
Үүнд Барилга хот байгуулалтын сайд Ц.Даваасүрэн ЗГХЭГ-аас оруулж ирсэн гэж хаацайлав.
Үргэлжлүүлэн тэрбээр “Олон газар олгож байгааг болиё. Төлөвлөлтийнхөө дагуу газар олгоно гэсэн хуулиуд хангалттай байгаа хэрнээ тэгж олгохгүй байгаа нь бүтцийн зохицуулалт муу байгааг илэрхийлж байна. Тиймээс тэр бүтцийг сайжруулахаар ажиллаж байна” гэв.
Харин Сангийн сайд Б.Жавхлан “Ер нь Төсөв дээр нууж хаасан юм байхгүй. Улам л ил тод болж байгаа. Бид хоёр ч удаа сэтгүүлчидтэй уулзаж, төсвийг тайлбарлаж мэдээлэл өгсөн” гэлээ.
УИХ-ын дарга Г.Занданшатар “Өргөн барьсан хойноо биш хоёр сарын өмнө хэлэлцүүлэг хийх ёстой. Сая бол Газрын тухай хууль шууд орж ирсэн” хэмээв.
