УИХ-ын өнөөдрийн чуулган эхэллээ. Хуралдааны эхэнд өнөөдрийн хэлэлцэх асуудалтай холбогдуулж гишүүд үг хэлж байна.
УИХ-ЫН ГИШҮҮН Х.ГАНХУЯГ:
Зөвшөөрлийн хуулийн хэрэгжилттэй холбоотой УИХ-аас шалгах ажлын хэсэг ажилласан. 69-р тогтоолоор Засгийн газарт үүрэг өгсөн байхад хэрэгжилт хангагдахгүй байна. Энэ хууль угтаа маш энгийн хууль юм. Хувийн хэвшил өөрсдөө хэлэлцэж, өөрсдөө бараг боловсруулаад өгчихсөн хууль. Гэтэл хэд хэдэн асуудал үүсчихээд байна.
Ямар нэгэн зөвшөөрлийг бүртгэл нэрээр шинээр бий болгохгүй байхыг заасан. Мөн яг ийм ийм зөвшөөрлийг, хэн олгох вэ гэдгийг заасан байгаа. Emongolia-д 100 гаруй зөвшөөрлийг бүртгэл нэрээр нэмчихсэн. Мухлаг, найман нэрийн бараа, дугуй засвар гээд байж болох бүх зөвшөөрлийг нэмчихсэн байна. Хэрвээ зөвшөөрлийг оролдохоор бол УИХ-аас хэлэлцэнэ гэж заасан хуулийг гууль болгочихлоо. Дунд шатны авлига, хүнд суртал замаа алдаж байна. УИХ-аас дахиж шалгалтын ажлыг хэсэг гаргамаар байна.
