Чуулганы нэгдсэн хуралдаан үргэлжилж байна. Өнөөдрийн хуралдаанаар Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслийг хэлэлцэж байна. Хуулийн төсөлтэй холбогдуулж гишүүд асуулт асууж, хариулт авч байна.
УИХ-ЫН ГИШҮҮН Б.БАТ-ЭРДЭНЭ:
Шүүхийн гаргасан шийдвэр эргэж буцах юм. Уймраа хүн гэж ярьдаг шиг л. С.Зоригийн аллага юу боллоо. Дараа нь Б.Махбалыг хугацаанаас нь өмнө суллачихаад эргээд хорино гэж эргэж хургаж байна. Дарга нарын авлига хулгайн асуудал шийдэгдчихээд, эргээд шийдвэр нь өөрчлөгдөөд тавиад явуулчихдаг. Шоронгоос гарсан хүмүүс бүр соён гэгээрүүлэгч, номлогч нар болчихсон явж байна. Ийм болохоор шүүх хуулийн байгууллагад итгэх итгэл алга. Эрх мэдэл хөрөнгөтэй улс суллагдаж, ядруухандуу улс нь торонд баригдаад үлдэж байгаа дүр зураг харагдаж байна.
