Сэлэнгэ аймаг дахь 413 дугаар хорих ангид хоригдон ял эдэлж буй Д.Мөнх-Эрдэнэ SWAT гэсэн бичиг бүхий хувцастай хүмүүст дэглүүлж эмнэлэгт хэвтсэн талаар эх сурвалжууд мэдээлж байна.
Нөхцөл байдлыг эх сурвалжаас тодруулахад, “7 хоногийн өмнөөс галуун цуваагаар явуулж, олон цаг зогсоож, босгож, суулгаж дэглэж эхэлсэн. Үүнийгээ даахгүй бие нь муудаж, хорих ангийн эмнэлэгт хүргэгдсэн” гэв.
Д.Мөнх-Эрдэнийг өнгөрсөн есдүгээр сард хорих ангийн удирдлагын зүгээс шийтгэж, уулзалтыг хориглосон байсанд аймгийн шүүхийн байгууллагаас цуцалсан байдаг. Гэвч ар гэрийнхэн нь өнөөдрийг болтол уулзаж чадаагүй, биеэр уулзах уулзалтыг нь хориглосон, онлайн эргэлтийг нь сэргээсэн байдалтай байгаа аж. Мөн онлайн уулзалт хийх бүрт байнгын хамгаалалттай, хажуудаа хүнтэй байгаа төдийгүй эхнэрийнхээ дүүтэй л холбоотой байгаа гэв. Түүнийг дэглүүлж, нөхцөл байдал хүнд байгааг дүү нь мэдэж байсан ч ар гэрийнхнийхээ санааг зовоочихно хэмээн үг дуугарахгүй байсан ч өчигдөр ийнхүү олонд дэлгэгджээ.
Өнөө өглөө түүний өмгөөлөгч Р.Булгамаа Сэлэнгэ аймагруу хөдөлсөн бол намынх нь гишүүд өнөөдөртөө багтаж Сэлэнгэ аймагт очиж акц өрнүүлэх нь ээ.
