УИХ-ын чуулганы нэгдсэн хуралдаан эхэллээ. Өнөөдрийн хуралдаанаар гурван асуудал хэлэлцэнэ. Тодруулбал, хуулийн төслүүдийг эцэслэн батална. Дархлаажуулалтын тухай хуулийн төсөлд нэмэлт өөрчлөлт оруулах тухай хуулийн төсөл, Аймаг, нийслэлийн сонгуулийн тухай хуулинд нэмэлт өөрчлөлт оруулах хуулийн төслийг хэлэлцэнэ.
Дөрвөн сайд УИХ-ын чуулганы нэгдсэн хуралдааныг тасалдуулж буй учир хууль эцэслэн батлах санал хураалтыг хойшлууллаа. Уул уурхай, хүнд үйлдвэрийн сайд Ж.Ганбаатар, Хөдөлмөр, нийгмийн хамгааллын сайд Х.Булгантуяа, Зам, тээврийн хөгжлийн сайд С.Бямбацогт, Эрчим хүчний сайд Б.Чойжилсүрэн нарыг хуралдаа оролцохыг УИХ-ын дарга сануулав. Сайд нарыг ядаж хууль эцэслэн батлахад хүрээд ирдэг баймаар байна гэж УИХ-ын дарга Г.Занданшатар зэмлэв.
Тухайлбал, Ц.Даваасүрэн сайдын хувьд чуулганыг сүүлийн хоёр өдөр таслаад байгаа аж. Түүний ирцийг гаргаж ирж танилцуул гэж үүрэгдэв. Мөн нөхөр генерал Ц.Сэргэлэн суудалдаа суумаар байна гэж ундууцав.
Үдээс хойшх чуулганы хуралдаанаар УИХ-ын гишүүн Б.Баярсайханы ХХААХҮ-ийн сайд Х.Болорчулуунд тавьсан малчдад тулгамдаж байгаа асуулгын хариуг сонсоно.
