УИХ-ын чуулганы нэгдсэн хуралдаан эхэллээ. Хуралдаанаар Аймаг, нийслэл, сум, дүүргийн иргэдийн Төлөөлөгчдийн Хурлын сонгуулийн тухай хуулийг хэлэлцэж байна.
УИХ-ын гишүүн С.Одонтуяа “Баянгол дүүрэг одоо хүртэл Засаг даргагүй байна. Хороон Засаг дарга нар 2-3 удаа солигдсон. Үүрэг гүйцэтгэгч нар ажилдаа ирэхгүй байна. Бүх юм босоо тогтолцоотой болчихсоны хор уршиг их байна. Тэгэхээр энэ хуульд болгоомжлох ёстой. Иргэд Засаг даргаа өөрсдөө сонгодог болохыг хүсч байна. Өнөө өглөө босоод ирэхэд сошиалаар нэг агаарын бохирдлын асуудал ярьж байхад хариулж чадах хэнч алга. Энэ улсад эзэн ер нь байна уу. Угаартаж нас барсан хүн тоогоо алдсан. Орон нутгаас сонгогдсон дүүрэг, аймгийн төлөөлөгчид чинь юу ч хийхгүй байсан хэрнээ сонгууль дөхөхөөр баяр болгоноор бэлэг тараагаад явчихдаг асуудлыг болиулмаар байна” гэв.
