Малын хулгайн хэргийн хохирогчийг хайж байгааг Цагдаагийн Ерөнхий Газар (ЦЕГ)-аас мэдээллээ.
Эрүүгийн цагдаагийн албаны Хулгайлах гэмт хэрэгтэй тэмцэх хэлтэс, Төв аймгийн цагдаагийн газрын алба хаагчид хамтран Сонгинохайрхан дүүргийн 32 дугаар хороо "Эмээлт" орчимд урьд нь мал хулгайлах гэмт хэрэгт холбогдож байсан 25-50 насны "А" нар нь бүлэглэн аравдугаар сарын 11-12-нд шилжих шөнө бусдын дөрвөн тооны үхрийг хулгайлан тээвэрлэж, нядлах гэж байсныг газар дээр нь таслан зогсоож, мөрдөн шалгах ажиллагаа явуулж байна.
Урьдчилсан байдлаар гэмт этгээдүүд нь дөрвөн үхрийг Төв аймгийн Архуст, Баян, Эрдэнэ сум болон нийслэлийн Багахангай дүүргийн нутгаас хулгайлсан байх магадлалтай тул үхрийн эзэд (хохирогч)-ийг хайж байна.
Холбогдох утас: 262425, 80100405
