"Хятад улсын иргэд тав болон наймдугаар ангийн хүүхдийг хөөсөн, айлгаж сандаргасан хэрэг Дорнод аймагт гарчээ" гэх мэдээлэл олон нийтийн цахим сүлжээнд гарсан.
Тэгвэл Дорнод аймгийн цагдаагийн газраас олон нийтийн цахим сүлжээнд нийтлэгдсэн гэмт хэрэг, зөрчлийн шинжтэй мэдээллийн мөрөөр шалгахад урьдчилсан байдлаар худал болох нь тогтоогджээ.
Иймд олон нийтийн цахим сүлжээнд үнэн, худал нь тодорхойгүй, эх сурвалжгүй мэдээллийг түгээж, иргэдийг төөрөгдөлд оруулахгүй байх, аливаа мэдээллийн үнэн эсэхийг нягталж байхыг цагдаагийн байгууллагаас зөвлөлөө.
