"О.Гэрэлцогт, Т.Сайнжаргал нар Сэлэнгэ аймгийн иргэдтэй уулзах үеэр жүжигчин М.Баярмагнай согтуу байжээ" гэх тайлбартай дүрс бичлэг цахим орчинд цацагдсан.
Энэ асуудлаар жүжигчин М.Баярмагнай "Нэг зүйлийг хэлэх гэсэн юм. Би архинаас татгалзаад нэлээд удаж байна. Өдөртөө 2-3 тоглож байгаа учир Сэлэнгэ аймгийн Зүүнбүрэн суманд жаахан нуруугаа амраагаад хэвтэж байтал Эрүүл согтуу нь мэдэгдэхгүй хүн орж ирээд орилоод бичлэг хийсэн. Миний уугаагүйг Зүүн-бүрэнгийн ард иргэд нотолно. Би энэ яваа насандаа тайзан дээр хэзээ ч архи ууж гарч байгаагүй юм шүү. Зарим нэг сайтууд үнэн бодит мэдээллийг тавимаар байна" гэжээ. Ер нь сүүлийн үед иргэд бусдын ажлын байранд дур зоргоороо бичлэг хийн орох, бүх зүйлийг лайв, шууд дамжуулалт байдлаар шийдэх хандлага газар авч байна.
