Сүхбаатар дүүргийн ХАБЭА-н салбар зөвлөл, Хөдөлмөр халамжийн үйлчилгээний хэлтэс, Хүнс, худалдаа үйлчилгээний хэлтэс, Боловсролын хэлтэс хамтран "ХАБЭА-н сургалт 2023" зохион байгууллаа.
Сургалтын зорилго ажлын байрны орчин нөхцлийг сайжруулах, осол, мэргэжлээс шалтгаалсан өвчлөл болон бусад эрсдэлт хүчин зүйлийн нөлөөллөөс хамгаалах, урьдчилан сэргийлэх, ажлын байрны соёлыг төлөвшүүлэхэд боловсролын байгуулагууд, үйлдвэрлэл эрхлэгчдийг эрсдлээс хамгаалах, арга зүйгээр хангах, тэдний сайн туршлагыг олон нийтэд түгээн дэлгэрүүлэх, хөдөлмөрийн аюулгүй байдал, эрүүл ахуйн талаархи төрийн бодлого, хууль стандарт, үндсэн зарчим, ажлын байранд тавигдах хөдөлмөрийн аюулгүй байдал, эрүүл ахуйн шаардлагыг хангах талаар мэдлэг олгох, арга зүйгээр хангах юм.
Сургалтанд дүүргийн боловсролын бүх сургууль цэцэрлэгүүдийн төлөөлөл болон дүүрэг дэх үйлдвэрлэл эрхлэгчдийн төлөөлөл нийт 118 оролцогч хамрагдсан. Ажлын байрны орчин, хөдөлмөрийн нөхцлийн үнэлгээ, ач холбогдол , мэргэжлээс шалтгаалсан өвчин, гэнэтийн ослоос урьдчилан сэргийлэх, хөдөлмөрийн аюулгүй байдал, эрүүл ахуйн тухай хуулийн хэрэгжилтийг хангаж ажиллах, анхны тусламж үзүүлэх чадварт суралцах зэрэг - хэрэгцээтэй, дадлагад суурилсан МЭРГЭЖЛИЙН сургалт арга зүйгээр хангахад сургалтын хөтөлбөр сэдэвчиглэгдсэн.
Сургалтанд оролцогчдыг “Анхны тусламж олгох чадвар” ном гарын авлагаар хангаж, дадлагад суурилсан анхны тусламжийн сургалт зохион байгуулж, ХНХЯ-ны зөвшөөрөлтэй сургалтын мэргэжлийн байгуулагуудаас сургалт зохион байгуулсан нь үр дүнтэй байлаа.
Сайн туршлага түгээх, урамшуулах:
Сүхбаатар дүүргийн ХАБЭА-н салбар зөвлөл хүүхэд, өсвөр үеийнхэндээ мэдээлэл өгч нийгмийн бүхий л орчинд хамгаалан, ахуйн осол, үйлдвэрлэлийн осол болон эрсдэлт нөхцөл байдлаас ангид байлгахаар зорьж, “Хамтдаа хичээцгээе!” уриан дор урьдчилан сэргийлэх ажлууд, сургалт, танилцуулга, зөвлөмжийг өгч ажилладаг.
Гандигийн нэрэмжит ҮУПК-ийн ХАБЭА хариуцсан багш нар, сургалтын менежерүүд нь АХА, Дэвжээ болон коллежүүдийн дунд зохион байгуулсан ХАБЭА-н улсын үзлэг”-т хангалттай сайн үзүүлэлттэй шалгагдаж “Дүүргийн шилдэг ХАБЭА-н зөвлөл 2023”-р шалгарч Батламж гардан авсан. 2023 оны 10 сард “Хөдөлмөрийн аюулгүй байдал эрүүл мэнд” сэдвийн дор суралцагчдын дунд Эссэ бичлэгийн уралдааныг Гандигийн нэрэмжит ҮУПК-ийн 2-р ангийн суралцагчдын дунд зохион байгуулж, идэвхтэй оролцсон сурагчдыг урамшуулж, сургалтанд оролцогчдын дунд хэлэлцүүлэг, санал авч , зөвлөгөө өгч ажиласан.
