Сүүлд гаргасан дуу болгон нь хит болж хандалтаа дийлэхгүй байгаа уран бүтээлчдийн нэг бол Г.Эрдэнэчимэг билээ. Түүний хувийн амьдрал нь олны анхаарлын төвд байдаг. Нийтийн дууны ханхүү хэмээн нэрлэгддэг С.Жавхлантай сууж дундаасаа 4 хүүхэдтэй болсон. Гэвч тэдний салалтын талаарх хов жив тараад удаан хугацаа өнгөрчээ. Угтаа дуучин Г.Эрдэнэчимэг шинэ уран бүтээл гаргаж, стиль имижээ өөрчилснөөс хойш тэдний салалт баталгаажсан гэлтэй. Карьер нь гялалзаж буй бүсгүй Буддын институтэд очсон гэнэ.
Тэрбээр өөрийнхөө цахим хуудсанд "Олон асуултад хариу хайж амьдралын гол утга нь юу юм бэ гэж бодох үе олон байсан. Хайсаар бүх хариултаа Буддын гүн ухаанаас авсан. Хөөх ямар гоё юм бэ, ямар утга төгөлдөр юм бэ, ямар шударга юм бэ, амьдрал их ойлгомжтой юм байна. Хийсэн, бодсон, хэлсэн бүхнийхээ үр дагаврыг л бид буцааж эдэлдэг юм байна. Цаашаа сурах унших, сонсох зүйл далай арвин. Сурах судлах бүрт амгалан тайван, ёс суртахуун, сэтгэл итгэл минь улам нэмэгддэг үнэхээр сайхан. Одоо Naropa Institute 2-р дамжаанд сурч байна. Хамаг амьтан амгалан болтугай" гэжээ.
