Засгийн газрын хуралдааны шийдвэрийг ЦХХХ-ны сайд Н.Учрал танилцуулж байна.
Тэрбээр "Монгол Улс НҮБ-аас гаргадаг цахим хөгжлийн индексээр 18 байр урагшилж, 74-р байранд орлоо. Энэ үзүүлэлтүүд авлигыг бууруулахад хувь нэмрээ оруулна. Энэ шагнал бол И-Монголиа платформыг хэрэглэж буй 1.6 сая хэрэглэгт, тоон гарын үсгээ авч хэрэглэж буй 800 мянган иргэний хамтын шагнал юм.
Засгийн газраас 5Ш ажиллагааг явуулж, шилэн болгох нээлттэй засгийн бодлого хэрэгжүүлсэн нь олон улсад өндрөөр үнэлэгдэж байна. Өнгөрсөн хугацаанд shilen.gov.mn нээлттэй мэдээллийн нэгдсэн санд 750 мянган мөр өгөгдлийг байршуулсан. Нийтийн мэдээллийн ил тод байдлын тухай хуульд заасан 68 мэдээллийг иргэд, олон нийт нээлттэй хэрэглэх бололцоог хангуулсан" гэлээ.
