Цахим сүлжээнд нэгэн аав өөрийнх нь хүүхдийг зодсон гэж цэцэрлэгийн багшид гар хүрч буй бичлэг цацагдсан. Тэгвэл цагдаагийн байгууллагаас энэ талаар тодруулахад "Уг бичлэг нь манай улсад болсон үйл явдал мэтээр цахим орчинд нийтлэгдсэн тул цахим сүлжээнд зураг, бичлэг нийтлэхдээ эх сурвалжийг дурдаж, олон нийтэд ташаа мэдээлэл түгээхгүй байхыг хүсч байна" гэв.
Эх сурвалжийн мэдээллээр тухайн бичлэг нь 2023 оны наймдугаар сарын 29-ний өдөр Малайз Улс дахь хүүхэд асрах төвд дөрвөн настай хүүг сурган хүмүүжүүлэгч багш нь зодож байгаа дүрс бичлэг CCTV дэх камерт өртсөнөөс үүдэлтэй асран хамгаалагч хүүхэд асрах төвийн хоёр багшийн биед халдсан үйл явдал аж.
